لماذا نبرر انفسنا بادانة الاخرين؟؟؟

لماذا نبرر انفسنا بادانة الاخرين؟؟؟غالبا مايعمد الواحد منا الى تبرير اى خطا ارتكبه بالقاء اللوم والسبب على اخر
امثله:
-من بدايه الخليقة عندما اعطت السيدة حواء الثمرة المحرمة الى السيد ادم واكل منها وبعدما ساله الرب هل اكلت يا ادم من شجرة معرفة الخير والشر كان رد ادم المراءة التى اعطيتنى هى السبب
نفهم من الرد دة ايه الغلط غلط حواء بس طيب وانت ارادتك كانت فين ياعم ادم؟

-سيدة عملت اكل وطلع لالون ولاطعم ولاريحة السبب ايه؟ عدة اسباب من اول الملح المغشوش لحد المية اللى مش معقمة ويمكن اسرائيل تكون السبب انها عاملة حاجة فى الجو تبوظ الاكل للعكننه على استقرار الاسرة المصرية

-موظف مستهتر يعاقب يبقى المدير مستقصدة
-تلميذ مستهتر يرسب يبقى مراقبين الامتحان بوظوا اعصابه ومعطهوش عصير ليمون يروق اعصابه عشان يحل
-ارتكاب خطايا يبقى شوشو هو السبب

والعديد والعديد من التبريرات التى نحاول بها خداع الضمير والاخرين للهروب من لوم او عقوبة

متى يكون الصدق والحق هو اساس تعاملاتنا الحياتيه؟؟؟؟؟؟؟؟؟