- معلش يا امى مش
هاقدر اجيبلك
هديه
عيد الام السنه دى
- آسف يا غاليه مش بأيدى ياللا
أهى
البركه برضه فى أخواتى
- عارف أكيد لسه شايفه دمى
السايل فى شوارع نجع حمادى
-اوعى تكونى لسه شايله همى
ده
انا قاعد فى حضن الفادى
- بجد يا أما ماتزعليش ايه يا حبيبتى
ليه كده؟ لا ما تدمعيش
- صدقينى يا عمرى ولا بلاش عمرى
لانه بقى ما يساويش
-صدقينى يا ست الكل نفسى
أجيلك أعيد
عليكى ولا تعيطيش
- نفسى آجى أبوس ايديكى
وأخلى
الفرحه دايما ماتسعكيش
- فاكره يا نبع الحنان هدية عيد
الأم اللى
فات ولا أنا مجبتلكيش
- معلش مش فاكر أصل صوت
الرصاص فى
ودانى مامشيش
- أنا مش فاكر غير حضنك يا ست
الكل أصلك
فى الحب ماتتوصيش
- ياللا مش هاطول عليكى فى
الكلام
أصل انا عايزك ماتصدعيش
-كل اللى عايز أقولهولك عيد أم
سعيد
عليكى ياللى منك مفيش
-قبل ماأمشى سلميلى على
أبويا
وأخواتى أرجوكى ماتنسيش
- سلام يا غاليه هجيلك قريب
أوى ماأنتى
عارفه الموت مايبعدنيش
شٍـٍبٍـٍكٍـٍةٍ وٍ مٍـٍنٍـٍتٍـٍدٍيٍـٍاٍتٍ اٍلاٍمٍـٍيٍـٍرٍ تٍـٍاٍدٍرٍسٍ يٍـٍرٍحٍـٍبٍ بٍـٍكٍـٍمٍ
السبت أبريل 10, 2010 2:13 am
