أنا إسمي شهيد
أنا إسمي .. بولا وبيشوي وأبانوب ..
رفعت وأيمن ومينا ..
والعمر زهر الشباب يدوب ..
أنا إسمي شهيد ..
فى بلدي قتلوني في ليلة العيد ..
فى نجع حمادي هناك فى الصعيد
وجريمتي .. إني مسيحي وعدلك يا إلهي أكيد ..
صليت القداس كنت بصلي أو كنت شماس ..
معقولة يا ناس على الرصيف أنا مرمي !
والغدر رصاص سفك دمي ..
دا أنا لسه لبسي جديد ...
إرهاب وعذاب غدر شديد ..
قتلوني زمان في الكشح ..
فى قبلي وفي بحري ..
وإيه يعني .. ما أنا جدي
وجد جدي قبطي شهيد ..
بكا ودموع مش هتفيد ..
دا أنا فى المجد خلاص بعيد ..
بس هيفضل يصرخ دمي ...
فينك يا وطني .. فينك يا حقي ...
فينك يا عدل بقيت .. زيي شريد .. ؟
وإفتكري يا أمي إسم ربي سور نار
وحصن حديد
بيدافع عن شعبه وعن كل مظلوم طريد ..
وسلموا رسالتي لأخواتي و حفيد الحفيد ..
وبطمنكم عني أنا صدقوني سعيد ..
أوعى يابا وإنتي يا أما وأنتى كمان يا إبني ..
أوعوا تبكوا أنا بيسوعي متهني ..
بصلي عشانكوا في سمايا ورجايا
صلاتكم يا أهلي عني ..
شٍـٍبٍـٍكٍـٍةٍ وٍ مٍـٍنٍـٍتٍـٍدٍيٍـٍاٍتٍ اٍلاٍمٍـٍيٍـٍرٍ تٍـٍاٍدٍرٍسٍ يٍـٍرٍحٍـٍبٍ بٍـٍكٍـٍمٍ
الإثنين مارس 08, 2010 10:41 am
