قلب وعصفور وجناح مكسور

قلبي يا عصفور طاير بجناح مكسور

عمال يلف ويدور من كتر الهم المقبور

سألته مالك متحير

قالي الزمن بقي وحش وأتغير

قلتله من إيه بس يا عصفور

قالي من قلوب الناس اللي زي النسور

قلتله يارتني كنت بدالك بس للأسف أنا كمان مكسور

مكسور من جوايا ولا حد حاسس بيا

جوايا جراح ومتداريه

مكسور من ناس اتمنتلها الفرح وسقوني الفرح في كاس مكسور

كاس كله هم ومليان بالمر المعسول

وفي الأخر سايبيني الف وأدوور

من قلب لقلب أدور علي الحب

يمكن ألاقيه في قلب يعرف معني الإنسانيه

قلب يعرف يحب ويداوي الجراح المتداريه

فضلت ألف وألف وأدور

لقيت في الأخر معني الحب عند الناس أتغير

بقي لعب وتسليه وأمور بتحير

وبعد ماتعبت من اللف والدوران

قلت أرجع تاني لنفس المكان

لا أحب وأتجرح بإيد إنسان

ودي قصتي يا عصفور

قالي هات همك علي همي ولينا رب عالم بالأسرار

يداوي كل جرح إنكوي بالنار

فإيده تلقي همك وعمرك ماتعيش محتار

وتسلمله سفينتك ويعديك لبر الآمان
--------------------اخوكم:ناصر ابن الامير تادرس

بجد جميله اوووووووووووووووووووووووووووى
واحساسه ومعانيه جميله اكتر مش يفهمه غير قلب مجروح ومتالم
حزين ومكسور
بينزف
يبكى بلدموع
الرب يقول
القى همك على الرب فهو يعولك
حقيقي عجبتنى اووووووووووووووووووووووووووووووووووووووووووووووووووووووووى
هو الوحيد الى مش مشغول ولا تلفونو مغلق
رب مجد دايما ينادى اليك يطلب منو الرجوع ليه
هو الى يشيل همك وتعبك
يدوى كل الجروح
ويمسح لك الدموع