الامير تادرس
عزيزى الزائر انت لست مسجل بمنتدى القديس الامير تادرس
يمكنك التسجيل الان حتى تصبح عضو معنا فى هذا المنتدى وتشاهد وتشارك جميع المواضيع مجانا معنا
للتسجيل اضغط على كلمه تسجيل فى اسفل هذه الصفحه

الامير تادرس

الامير تادرس الشاطبى
 
الرئيسيةاليوميةالبوابةس .و .جبحـثالأعضاءالمجموعاتالتسجيلدخول
شٍـٍبٍـٍكٍـٍةٍ وٍ مٍـٍنٍـٍتٍـٍدٍيٍـٍاٍتٍ اٍلاٍمٍـٍيٍـٍرٍ تٍـٍاٍدٍرٍسٍ يٍـٍرٍحٍـٍبٍ بٍـٍكٍـٍمٍ

شاطر | 
 

 صلاه جميله

اذهب الى الأسفل 
كاتب الموضوعرسالة
moni
عضو مميز
عضو مميز
avatar

المساهمات : 267
تاريخ التسجيل : 19/11/2009

مُساهمةموضوع: صلاه جميله   الثلاثاء يونيو 01, 2010 11:15 pm

كتير من المرات اللى فاتت كنت بجيلك كانت روتين وخلاص .......لأ يارب المرة دي عايز اجيلك و انا على قلبى اشتياق اني اكلمك

كتير من المرات اللى فاتت كنت بجيلك و انا متمسك بحاجة فى قلبى .....لأ يارب المرة دي عايز اجيلك و انا مستغني عن كل الدنيا و مشتريك

كتير من المرات اللى فاتت كنت بجيلك و فكري فى مكان تاني .....لأ يارب المرة دي عايز اجيلك و انا مسبي بجمالك و عنيا وقلبى عليك

كتير من المرات اللى فاتت كنت بجيلك مهزوم ..... لا يارب المرة دي عايز اجيلك منتصر و غالب

كتير من المرات اللى فاتت كنت بركعلك بركبتي..... لأ يارب المرة دي عايز اركعلك بقلبي

كتير من المرات اللى فاتت كنت بجيلك بدموع و حزن..... لأ يارب المرة عايز اجيلك فرحان اشاركك فرحتي

كتير من المرات اللى فاتت كنت بجيلك بوعدك و امنفذش .....لأ يارب المرة دي عايز اجيلك و انا محقق كل وعودي ليك

كتير من المرات اللى فاتت كنت يدوب اقعد معاك و اقولك سوري يارب مضطر اسيبك .......
لأ يارب المرة دي عايز اقعد معاك و مفيش اي حاجة تشغلني عنك

كتير من المرات اللى فاتت كنت بجيلك و انا حاسس اني عارف كل حاجه عنك ......لأ يارب المرة دي عايز اجي اعرفك اكتر و اكتر و اعرف قوة قيامتك

كتير من المرات اللى فاتت كنت بجيلك اقعد معاك و اقوم من غير ما اخد اي بركة .....لأ يارب المرة دي عايز اجيلك و امسك فيك و اقولك لن اطلقك ان لم تباركني

كتير من المرات اللى فاتت كنت بجيلك و انسي اطمن عليك و على اخبارك ....... لأ يارب المرة عايز اجيلك و اسألك انت عامل ايه النهارده و تشاركني بفرحك و تعبك

كتير من المرات اللى فاتت كنت بجيلك كنت اجي اقولك اسف اتكسفت اكلم صحابى عنك ....
لأ يارب المرة دي عايز اجيلك اقولك صحابى كانوا فرجانين بيك اوي

كتير من المرات اللى فاتت كنت بجيلك و كل همي اطلب حاجات و حاجات .....لأ يارب المرة دي عايز اجيلك و انا مش طالب غير ملكوتك

كتير من المرات اللى فاتت كنت بجيلك و انا عامل استاذ و فاهم وعارف ......لأ يارب المرة دي عايز اجيلك تلميذ بين ايديك تعلمني و ترشدني


كتير من المرات اللى فاتت كنت بجيلك و اقولك ليه يارب و عشان ايه .......لأ يارب المرة دي عايز اجيلك و انا بشكرك عشان بتعمل لخيري

كتير من المرات اللى فاتت كنت بجيلك بهموم و مشاكل و عايز احكي و ابكى..... لأ يارب المرة دي عايز اجيلك و كل هدفى اتأمل فيك و فى جمالك و روعتك

كتير من المرات اللى فاتت كنت بجيلك خايف و مرعوب و اقولك الحقني بيضطهدوني .......
لأ يارب المرة دي عايز اجيلك و اقولك حلو سلامك اللى ماليني فى وقت الضيق

كتير من المرات اللى فاتت كنت بجيلك و انا مجروح من حد و مش عارف اسامحه ......لأ يارب المرة دي عايز اجيلك و اقولك جميله المحبه اللى اتدهاني عرفت اسامح بيها

لو المرات اللى فاتت كنت بجيلك و انا رافض و متضايق من تأديبك ........لأ يارب المرة دي عايز اجيلك و اقولك ادام بتأدبني يبقي بتحبني

كتير من المرات اللى فاتت كنت بجيلك و انسي اصلى عشان صحابى و اهلى و جيراني ........
لأ يارب المرة دي عايز اجيلك احطهم بين ايديك تباركهم

كتير من المرات اللى فاتت كنت بجيلك و اقولك بين ايديك الخدمه و الخدام ........لا يارب المرة دي عايز اجيلك و اقولك حط على قلبى خدمتك و شجعني

ايوة يا ابويا عايزها قعدة مختلفة عن كل اللى فات عايز اشبع منك و ارتوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

المساهمات : 2089
تاريخ التسجيل : 09/09/2009

مُساهمةموضوع: رد: صلاه جميله   الجمعة يونيو 25, 2010 6:22 am

ميرسى يا مونى
ربنا يباركك ويبارك فى خدمتك للمنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alameertadros.ahlamontada.com
 
صلاه جميله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الامير تادرس :: شـــــــــــــــنوديـــــــــــات :: منتدى الروحانيات :: كلمة الله تعمل مع مشاعرك-
انتقل الى: