الصورة اقامت الطفلة

الانسة / مرفت - اسيوط
فى بداية رسالتى اشكر الهى ومخلصى يسوع
المسيح على كل شئ وعلى رحمته ومحبته.
فى يوم 29/8/2008 كانت كريستينا
ابنت اختى تلعب ببلونة قدام باب البيت وهى بتلعت طارت البلونة فوق السطح
كان البيت سبع ادوار بالسطح لكن مغطان بكراتين وتحتها فراغ كبير فمشيت
عليها ووقعت من سابع دور نزلت فى المنور واطيبت بغيبوبة اتجمعت الناس
وسألوا عن امها وكانت اختى فى البيت وسمعت ان طفلة صغيرة وقعت ولكن استبعدت
انها ممكن بنتها لان كريستينا كانت بتلعب امام الباب وكانت المفاجأه انها
اكتشفت انها بنتها.
ذهبنا الى المستشفى وكنا فاقدين الامل ان الطفلة
تعيش وكانت اختى تبكى بمرارة لان بنتها كانت بتموت وقعت من سابع ادوار اكيد
تموت.
كانت كريستينا لا بتتحرك ولا بتتكلم وحالتها صعبه جدا مع العلم
ان البنت نحيفة جدا وبكيت كثيرا واقول يارب من فضلك نجيها من الموت ولو
الكل قال خلاص انت عندك الخلاص انت قومت لعازر من موته انت اله المستحيلات
وكان عندى ايمان كبير بان الله قادر على كل شئ وصدقونى بالايمان يمكن كل
شئ.
وبعد ذلك اجريت الطفلة اشعه على المخ واثناء الاشعه خرج شخص وهو
بيقول "ان البنت خلاص هتموت وانها بترجع دم وان عندها نزيف داخلى وبعد
دقائق البنت هتموت ".
فى هذه اللحظة صرخت من كل قلبى وقلت مد ايديك يارب
وطلبت شفاعه قديسنا البابا كيرلس واخرجت صورة البابا كيرلس ووضعتها اما
كريستينا وفضلت اصرخ واطلب شفاعه البابا كيرلس واقولة من فضلك اتشفع ليسوع
علشان يشفيها وينقذها وكل ما اقوله انت صاحب معجزات من فضلك اعمل معجزة
وطلبت ان يتمجد الرب بشفاعته وفوجئنا ان الطفلة اتكلمت وطلبت ان تشرب فرحنا
جدا لانها كانت لالا تتحرك ولا بتتكلم ولا فيها اى نفس وبعد ذلك ظهرت
نتيجة الاشعه ان المخ سليم يارب انت عظيم وبعد ذلك عملت عمليتين فى رجليها
شرايح ومسامسر وعملية فى كوع ايديها الايمن واستمرت نائمة لم تتحرك لمدة
شهرين وكنت اصلى من قلبى واتشفع بالبابا كيرلس ان ترجع طبيعيه وتمشى لانها
كانت حزينة وبتبكى من الالم ومن انها مش قادرة تمشى وبعد شهرين مشيت وحركت
اديديها والحمد لله فعلا معجزة بكل المقاييس.


من شدة الاوجاع
احيانا نقول
" من مفرج عنى الحزن قلبى فى سقيم " (ار 8: 18)
"انسحق
قلبى وسطى ارتخت كل عظامى " ( ار 19:23)

وصوت الرب يقول
" لانى
انا معك يقول الرب لاخلصك " (ار 11:30)

من كتاب افرحوا الرب معكم
لمعجزات البابا كيرلس